Өз циклін бақылаудың маңызды екенін бәрі біледі, бірақ бұған көбіне мән берілмейді.
Етеккір циклін бақылау – бұл адамның өзіне деген сүйіспеншілік пен қамқорлықтың маңызды белгілерінің бірі.
Цикл мынадай мақсаттар үшін бақыланады:
1. Етеккір циклінің бұзылуын бақылау. Оның тоқтап қалуы физикалық және психикалық денсаулықтың әртүрлі себептерін білдіруі мүмкін.
2. Отбасын жоспарлау. Циклді бақылау арқылы овуляция күндерін анықтай аласыз. Орташа алғанда, циклдің 8-інші күнінен 19-ыншы күніне дейінгі кезең – жүкті болуға ең қолайлы кезең.
3. Kotex-ті өзіңмен бірге алып жүретін күндерді білу. Әрине, оны әрдайым өзіңізбен бірге алып жүре аласыз, бірақ етеккір циклін қадағаласаңыз, ешқандай тосынсыйларға тап болмайсыз.
Біз етеккірді оңай және қызығушылықпен бақылауға көмектесетін қолданбалардың тізімін дайындап қойдық.
Flo.
80 маманмен бірге әзірленген ең танымал қолданба: әйелдер күнтізбесі, жүктілікті жоспарлау режимі және әйелдердің денсаулығы туралы мақалалар бар.
Clue.
Етеккір күнін, жүктіліктің ықтималдығын болжайды және циклдің бұзылуы туралы ескертеді. Бөтен адамдардан қорғайтын код қоюға болады.
Eve.
Стандартты қызметтерден бөлек, Eve-нің сән, фитнес, қарым-қатынас, тіпті, телехикаялар сияқты қызығушылық топтары бар ішкі әлеуметтік желісі бар.
Period Tracker.
Ол цикл бақыланатын планерге ұқсайды. Етеккір кезінде симптомдарыңызды жазуға болатын күнделік қызметі де бар.
