Орташа алғанда, әр қыз бүкіл цикл кезінде 75 мл-ден 125 мл-ге дейін қан жоғалтады, бұл 3-5 ас қасық.

Жоқ, алаңдамаңыз! Етеккірдің ай сайын бір уақытта келмейтіні қалыпты жағдай. Бұл етеккірдің циклдік түрде жүретіндігіне байланысты, цикл етеккірдің алғашқы күнінен бастап келесі етеккірдің бірінші күніне дейін созылады, қатаң түрде айға байланысты емес. Орташа цикл шамамен 28 күнді құрайды, бірақ әр цикл әртүрлі және гормондарға, эмоцияларға, жеке денсаулығыңыз бен өмір сүру салтыңызға байланысты, ол қысқа (21 күн) немесе ұзағырақ (кейде 90 күнге дейін) болуы мүмкін.

Егер бірінші етеккір айдың басында, екіншісі айдың соңында болса, бұл цикліңіздің қысқа екенін білдіреді. Әдетте, етеккір келе бастаған алғашқы бірнеше жылда қыздың циклі тұрақсыз болады, біреуінде ұзағырақ, біреуінде сіздікіндей қысқа. Циклдің ұзақтығы «овуляцияңызға» немесе жетілетін уақытыңызға байланысты. Сондықтан мұның бәрі қалыпты жағдай және алаңдайтын ештеңе жоқ!

Бұл әркімнің жеке ісі.
Егер өзіңізге және серіктесіңізге ыңғайлы болса, онда неге жыныстық қатынасқа түспеске?!
Бірақ ескерте кететін бірқатар қауіп-қатерлер бар.

Етеккір кезінде жыныстық қатынасқа түсу:

1. Жоспарланбаған жүктілік қаупін тудырады (егер қорғалмаған болса).
2. Қынаптың қанды (және бактериялардың дамуына өте қолайлы) ортасына байланысты жыныстық жолмен берілетін бірқатар инфекцияның түсу қаупін тудырады.

Барлығы жеке адамға және шығындының көптігіне байланысты. Орташа алғанда, төсемені немесе тампонды 3-4 сағат сайын ауыстыру керек. 

Қыздар ЕРЕКШЕ болғандықтан, оларға етеккір келеді!
Етеккір ауру емес, бұл ай сайын әр әйелдің организмінде болатын табиғи процесс. Алғашқы етеккірдің келуі деніңіздің сау екенін, сізде овуляция болатынын және болашақта балалы бола алатыныңызды білдіреді.

Қорықпаңыз, бәлкім, цикліңіз ұзақ шығар, бұл қалыпты жағдай! Кейде сіздің өміріңіздегі оқиғалар «овуляцияны» және аналық жасушаның жетілуін кешіктіруі мүмкін. Бұл кезде етеккір кешірек келеді.

Овуляцияны кешіктірудің мүмкін себептері:

1. Стресс
2. Шамадан тыс физикалық белсенділік.
3. Экстремалды диета (анорексия)
4. Эмоционалды бұзылыс.

Әрине, етеккір кезінде жүзе аласыз! Бірақ бассейнге немесе су қоймасына кірер алдында төсеме емес, тампон қолданыңыз!

Қыздық пердеде диаметрі 1,5-2 см болатын тесік бар, ол арқылы етеккір шығындысы ағады. Kotex тампондары осы тесікке еркін өту үшін арнайы жасалған, десе де ағып кетуден сенімді қорғайды. Сонымен қатар етеккір кезінде қыздық перде өте серпімді болады, сондықтан оны зақымдау оңай емес.

Уайымдамаңыз және тампон ыңғайлы болса, оны жайбарақат қолданыңыз. Тампонды дұрыс енгізгеніңізге көз жеткізу үшін нұсқаулықты мұқият оқып шығыңыз.

Әрине! Ұлдарға өзіңіз айтпасаңыз, етеккіріңіздің келіп жатқанын олар білмейді.

Барлығы жеке адамға байланысты және әр қыздың етеккірі организмі жетілген кезде басталады (орта есеппен 8-18 жас аралығы). Көп нәрсе біздің өмір сүру салтымызға және генетикалық бейімділігімізге байланысты.
Қызықты жәйт: етеккірі ертерек басталатын қыздарда ол 50 жастан кейін тоқтайды. Етеккірі кейінірек басталатын қыздарда кейде ол 40 жасына таман тоқтайды екен!

Байбалам салмаңыз! Ең алдымен, төсеме киіңіз. Оны кем дегенде 4 сағат сайын ауыстырыңыз. Пайдаланылған төсемені дәретхана қағазына немесе қаптамасына ораңыз. Күніңізді ештеңе болмағандай жалғастыра беріңіз!

Егер мұндай жағдай әпкеңізде бұрын болмаса және ол етеккір басталғанға дейін шамамен екі апта бұрын жыныстық қатынасқа түссе, оның себептерінің бірі жүктілік болуы мүмкін. Ұрықтанған жұмыртқа жасушасы жатырдың шырышты қабатына енгенде аздап қан кетуі мүмкін. Әйелдер оны етеккір деп ойлайды, бірақ іс жүзінде олар жүкті. Біз жедел жүктілік тестін сатып алуға кеңес береміз.
Мұндай «бір күндік етеккірдің» тағы бір себебі гормоналды препараттар болуы мүмкін.

Кез келген жағдайда дәрігерге жүгінуді ұсынамыз.

«Контрацепция» деп аталатын бұл әдіс қауіпті, өйткені шәуеттің кішкентай құйрықтары бар, сондықтан олар жыныстық қатынастан кейін қынапқа ене алады. Сонымен қатар, қорғалмаған жыныстық қатынас жыныстық жолмен берілетін 35-тен астам инфекциядан қорғамайды. Идея дұрыс емес!

Бұл кеуде қуысының «циклдік» өзгерісі деп аталады, ол қыздың етеккір циклі басталып, етеккір үзілісіне дейін әр цикл сайын жалғасады.
Кеудедегі өзгерістер циклдің ортасында, қызда гормондардың деңгейі жоғарылаған кезде басталады. Содан кейін етеккір басталмай тұрғанда  гормондар деңгейінің төмендеуі қан кетуді тудырады. Бұл кеудедегі ауырлық сезімін және ыңғайсыздықты тудыруы мүмкін. Бұл кезде жақсы ұстап тұратын және ыңғайлы емшекқап кигеніңіз жөн.

Кейбір қыздарда генетикалық бейімділіктің салдарынан етеккірдің мөлшері көп болады, басқаша айтқанда, қыздың анасына да етеккірдің көп мөлшерде келуі.
Кейбір әйелдерде етеккірдің көп мөлшерде әрі ауыртып келуі эстроген жиналатын артық май тінімен де байланысты. Эстроген бұл жатырдың ішкі қабығының өсуіне көмектесетін гормон. Көбірек эстроген = қалың төсем = етеккірдің көп мөлшерде келуі.

Етеккір басталардан бір күн бұрын аспирин қабылдауды ұсынамыз. Етеккір кезінде ауырсынуды басу үшін жылы нәрсе қолданыңыз, мысалы, жылытқыш. Немесе ыстық ванна немесе душ қабылдаңыз. Сондай-ақ дәрігеріңізден ауруды басатын дәрі-дәрмек жазып беруін өтіне аласыз.

Ішіңіз ауыра ма, әлде сәл төмендеу орналасқан жатырыңыз ауыра ма? Кейбір әйелдердің етеккір басталардан бір күн бұрын «іші бұзылады» немесе етеккір келген күні жүрек айнуы мүмкін. Екінші жағынан, жамбас аймағының ауруы әдетте, жатырдың жиырылуы кезінде пайда болады, бірақ бұл зәр шығару жолдарының инфекциясы немесе кіші жамбас органдарының басқа да инфекцияларынан туындауы мүмкін.
Егер ванна, душ немесе ыстық су құйылған бөтелке сияқты жылу әсерінен ауырсыну басылса, бұл «етеккір ауруы» болуы мүмкін, бұл басылады. Осындай қиын күндерді өткеру үшін дәрігеріңізден ауруды басатын дәрі-дәрмек жазып беруін өтіне аласыз.
Егер ауырсыну адам төзгісіз болса, міндетті түрде  гинекологпен кеңесуді ұмытпаңыз.

Етеккір басталғанға дейін етеккір ауырсынуының пайда болуы қалыпты жағдай, сондықтан оған алаңдамаңыз, онымен күресуді үйреніңіз. 
Сізге етеккір процесі туралы айтып берелік. 
Жұмған жұдырығыңыздың өлшеміндей болатын жатырыңызды елестетіп көріңізші, енді «жиырылудың» қандай болатынын білу үшін жұдырығыңызды жұмыңыз, жатыр етеккір басталғанға дейін эндометрий деп аталатын ішкі қабықты бұзу үшін осылай әрекет етеді. Сондықтан іш ауырады.
Терең дем алыңыз, ішіңізді сипалаңыз, жылы нәрсе басыңыз.

Етеккір кезіндегі ауырсыну әдетте, жатырдың «жиырылуынан» болады. Бұл сіздің жұмылған жұдырығыңыздың көлеміндей болатын қуыс  бұлшықет органы эндометрий деп аталатын ішкі қабықты жою үшін, жатырды тазалау үшін «жиырылуы» керек. Простагландин деп аталатын гормон жатырдың жиырылуына көмектеседі, бірақ егер әйелде бұл гормон тым көп болса, жиырылу өте күшті болуы және ауыруы мүмкін. Простагландинді етеккір басталардан бір күн бұрын аспирин ішу арқылы басқаруға болады.

Жоқ, бұл мүлдем бір-бірімен байланысты емес.

Етеккір келер алдында белдің ауыруы омыртқаның қисықтығынан туындауы мүмкін. Кейде бұл жатырдың жиырылуы кезінде алға емес, артқа қарай қисайған кезде пайда болады.

Уақытынан бұрын алаңдамаңыз. Етеккірдің кешігуіне әртүрлі себептер, оның ішінде жүктілікке байланысты емес себептер әсер етуі мүмкін, олар: тұрақты емес етеккір циклі, спортпен қарқынды түрде шұғылдану, стресс, кейбір дәрі-дәрмектерді қолдану, салмақтың өзгеруі. Егер етеккір 6-7 күнге кешіксе, бұл циклдің қалыпты ауытқуы.

Егер кешігу 7 күннен астам уақытқа созылса немесе басқа себептер мазалайтын болса, гинекологқа жүгінген дұрыс. Тек кәсіпқой маман кешігудің себебін дұрыс анықтай алады.

Жоқ. Бұл қалыпты етеккірден ұзаққа созылатын қан кету. Дереу дәрігерге қаралуды ұсынамыз.

Кейбір қыздардың жүректері айнуы мүмкін, бұл қорқынышты емес. Сұйықтықты көп ішетініңізге көз жеткізіңіз, оның ішінде жылы сорпа немесе қанық ыстық шоколад ішуге болады.

Өкінішке орай, сіздің қанша жаста екеніңізді және ауру тарихыңызды білмейміз, бірақ сіздің әңгімеңіз ерекше жағдай. Бұлай болмауы керек. Мүмкіндігінше тезірек дәрігерге қаралыңыз.

Жағымсыз иісі бар шығынды әдетте, емдеу керек инфекцияның бар екенін білдіреді. Барлық вагиналды инфекциялар жыныстық жолмен берілмейді, мысалы, бактериалды вагинит бар. Дәрігерге қаралыңыз, неғұрлым ерте емделсеңіз, соғұрлым жақсы!

Иісі бар шығынды, қышу, қынаптың немесе жыныстық еріннің тітіркенуі мен қызаруы – жұқпалы шығындылар болып табылады. Түсі сары, жасыл немесе ақ болуы мүмкін, көбікті болуы мүмкін және жағымсыз иісі болуы мүмкін. Мұның бәрін дәрігерге қаратып, емдеу керек. Егер жыныстық қарым-қатынасқа түсіп жүрсеңіз, жігітіңізге де емделу керек, өйткені кез келген инфекция көптеген асқынулар тудыруы мүмкін.

Қышу мен тітіркенуді тудыратын кез келген бөртпе (циклдің кез келген кезеңінде) медициналық кеңес алуды қажет етеді, бұл ақ шығынды (молочница) немесе жыныстық инфекция болуы мүмкін. Анықтап, емдеу үшін келесі бөртпе пайда болған кезде дәрігерге хабарласыңыз.

Әрине, етеккір кезінде спортпен шұғылдана аласыз. Сонымен қатар жаттығу етеккір кезінде болатын ауырсынуды басады. Ал тампон қолдану бұл процесті әлдеқайда жеңіл және ыңғайлы етеді.

Иә, етеккір кезінде денсаулыққа пайдалы барлық нәрсені жеуге болады.

Біріншіден, қорықпаңыз! Тампон салу қорқынышты да емес, қауіпті де емес.

Алдымен қаптамадағы нұсқаулықты оқып шығыңыз, онда тампонды енгізу тәртібі егжей-тегжейлі сипатталады және көрсетіледі. Бірақ әлі де түсінбеушіліктер болса, біздің шағын нұсқаулығымыз  сізге көмектеседі!

1. Қолыңыздың таза екеніне көз жеткізіңіз.
2. Тампонды қаптамасынан алып (ол сызық бойымен бүктеліп ашылады), жібін тартыңыз.
3. Тампонды қалай енгізген ыңғайлы болатынын анықтап алыңыз. Мұны унитазда отырып немесе бір аяғыңызды ваннаның шетіне қойып салып көріңіз.
4. Тампонды ыңғайлы болатындай етіп алыңыз. Ең қолайлы әдіс – сұқ саусағыңызды тампонның түбіне қойып, жіпті бос қалдырыңыз.
5. Денеңізді бос ұстап, тампонды қынаптың түбіне ақырын салыңыз: алдымен жоғары, содан кейін диагональ бойынша артқа қарай. Жіпті сыртына қарай қалдырыңыз.
6. Енді жүріп, секіріп, отырып көріңіз, тампонның ыңғайлы орналасқанына көз жеткізіңіз. Егер оны сезбесеңіз, бәрі дұрыс! Егер тампон іштей сезілсе, оны сәл әрі қарай жылжытуға тырысыңыз. Уайымдамаңыз, тампон еш жерде «жоғалмайды» және тым алысқа кетпейді.