Қасағадағы түкпен не істеу керектігі туралы көптеген қарама-қайшы пікірлер бар. Әр адам үшін бұл таза интимдік сұрақ. Бірақ олардың не үшін жаралғаны туралы адамдар онша ойлана бермейді. Денеміздің әр бөлігінің эволюциялық негіздемесі бар деп болжасақ, қасаға түктері қандай да бір себептермен өсуі керек, солай емес пе?
Бәрі қарапайым. Қасаға түктері артық ылғалды (терді) сіңіреді және ішкі органдарды қажетсіз инфекциялардан қорғайды.
Кейбір қыздарда көп, кейбіреуінде аз, бірақ енді біреулерінде тым көп болады!
Уайымдамаңыз, мұның бәрі қалыпты жағдай және ұялатын ештеңесі жоқ!
Бірақ қасаға түгімен әрқайсымыздың не істейтініміз де әртүрлі. Кейбір қыздар табиғилықты қарап, оның өсуіне мүмкіндік береді, ал басқалары түкті алып тастауды жөн көреді.
Түкті қалай қыруға болады?
Қасағадағы түкті түгел қыру оңай емес. Әйелдің жыныс мүшесі өте сезімтал болғандықтан, ұстараны жиі ауыстыру керек. Ұстараның жүзі тез өтпей қалады, сондықтан кесіп алу қаупі бар.
- Тегіс қыру үшін ұстараның таза және өткір екеніне көз жеткізіңіз, бірақ абайлаңыз, теріңізді кесіп алмаңыз.
- Түкті жұмсарту және қырынатын аймақты тегістеу үшін жақсылап көпіртіңіз.
- Ұстараның жүзін ыстық су ағынының астында біраз уақыт ұстап тұрып, оны қыздырыңыз.
- Кесіп алу мен кейіннен түктің өсуіне жол бермеу үшін түктің өсу бағыты бойынша ғана қырыңыз.
Егер қырыну сізге арналмаса, түкті жоюдың басқа арзан нұсқаларын қарастыруға болады:
- Түкті жоюға арналған лосьондар қырынудан гөрі түкті жақсы жояды. Есіңізде болсын, қасаға аймағының айналасындағы тері өте сезімтал, сондықтан қасағадағы түкті тазартпас бұрын құралдың аллергия тудыратын-тудырмайтынын тексеру үшін оны дененің басқа бөлігіне жағып, тексеріп көріңіз.
- Балауызды эпиляция немесе шугаринг та ұзақ мерзімге жететін жақсы идея болып табылады. Мұндай эпиляцияны кәсіби шебердің сұлулық салонында жасауға болады.
Түптеп келгенде, қасаға түгін жою-жоймау – әр қыздың жеке таңдауы. Ең бастысы, өзіңізге ыңғайлы болуы керек!
