Етеккір кезінде шығындының көп болатынына, кейде орташа болатынына назар аудардыңыз ба? Көптеген әйелдерде етеккір бірінші күні қарқынды болады, содан кейін азаяды. Бірақ қарқындылық 5, тіпті, 7 күнге созылатын жағдайлар да болады. Осыған тоқталайықшы.
Әдетте, етеккір кезінде қан жоғалту 30-дан 80 мл-ге дейінгі аралықты құрайды. Түсінікті болу үшін әрбір толық сіңген гигиеналық төсеме немесе тампон шамамен 5 мл қанды сіңіреді, яғни орташа есеппен әйелдер бір етеккір кезінде 6-16 төсемені немесе тампонды пайдаланады.
Төсемені немесе тампонды сағат сайын ауыстыру керек болатын, яғни күніне 6-7 төсемені қолданатын (оның үстіне 7 күннен аса келетін) жағдай етеккірдің шамадан тыс көп келуі болып саналады, бұл кезде қан кету қарқынды болады.
Бұл жағдай меноррагия деп аталады және анемияны тудыруы мүмкін, сондай-ақ көбіне мұндай шамадан тыс көп келген етеккір толыққанды өмір салтын жүргізуге кедергі келтіретін күшті спазммен бірге жүреді.
Біз ешқандай практикалық кеңестер бермейміз, етеккір шамадан тыс келеді деген күдігіңіз болса, дереу гинекологпен кеңесіңіз.
Бірақ барлық қыздарға қатысты жалпы ұсынысымыз бар – қан көлемін сақтау үшін көбірек су ішіп, өзіңізді қорғаңыз.
